2024-жылы Кыргызстандын туризм тармагында 800гө жакын туристтик жана эс алуу объектилери жигердүү иштеген. Алардын арасында:

• 185 адистештирилген турак жай объектилери,
• 329 мейманканалар жана ушул сыяктуу объекттер,
• 104 боз үй лагери,
• 12 жаратылыш парктары жана коруктар,
• 34 башка туристтик жайлар,
• ошондой эле 102 туристтик агентство, туроператор жана экскурсиялык бюро.

Мындан тышкары республика боюнча 2000ден ашык конок үйлөрү конокторду кабыл алууга чоң салым кошушту.

2024-жылы туристтердин жалпы агымы 4 миллионго жакын адамды түздү, алардын 54%дан ашыгы өлкөнүн негизги курорттук аймактарынын бири болгон Ысык-Көл облусунда эс алууну тандашкан.

Туристтик компаниялардын маалыматы боюнча:

• Кыргызстандын 25 миңден ашуун жараны чет өлкөгө жөнөтүлдү.
• Республика боюнча 32,4 миң адам саякаттаган, анын 15,7 миңи чет өлкөлүк жарандар.

Мамлекеттик чек ара кызматынын маалыматы боюнча, 2024-жылы чет элдик жарандар тарабынан 9 миллионго жакын чек арадан өтүү катталган, бул 2023-жылга салыштырмалуу 1,1%га көп.