Кыргыз Республикасынын Суу чарба, айыл чарба жана кайра иштетүү өнөр жай министрлиги тарабынан айылдык товар өндүрүүчүлөрдү айыл чарба техникалары менен камсыз кылуу, машина-трактор паркын жаңылоо боюнча бир катар масштабдуу иш-чаралар жүргүзүлүүдө.

Ведомстводон билдиришкендей, 2025-жылы министрликтин каражаттарынын эсебинен 2 миллиард 400 миллион сомдук 660 даана айыл чарба техникасы дыйкандарга жеңилдетилген шартта берилген. Бул айыл чарба жумуштарын ез убагында жана сапаттуу жургузууге мумкундук берди.

Бардыгы болуп 20 миллиард 600 миллион сомдук 7728 даана техника лизингдик механизм аркылуу айылдык товар өндүрүүчүлөргө өткөрүлүп берилди, бул айыл чарбасын механикалаштыруу деңгээлин жогорулатууда маанилүү кадам болуп калды.

Дыйкандарды техникалык тейлөөнүн сапатын жогорулатуу жана лизинг системасын өнүктүрүү максатында 2011-жылдан бери министрликтин демилгеси жана Кыргыз Республикасынын Министрлер Кабинетинин колдоосу менен «Айыл Банк» ААК жана «Элдик Банк» ААК аркылуу лизингге айыл чарба техникаларын жана жабдууларын берүү боюнча 7 лизингдик долбоор ишке ашырылган.

Бул долбоорлордун алкагында айыл чарба техникасынын бардык түрлөрү, ошондой эле кайра иштетүү өнөр жайы үчүн жабдуулар айылдык товар өндүрүүчүлөргө жеңилдетилген шартта – жылдык 6% менен 7 жылдык мөөнөткө берилет.

Мына ушул чаралардын аркасында айыл чарба ендурушунун эффективдуулугу бир кыйла жогорулады, селолук ишкерлерди техникалык жактан камсыз кылуунун децгээли жакшырды.