Кыргыз Республикасынын ИИМдин Баңгизаттарды көзөмөлдөө кызматынын Кинология борборунун кызматкерлери жана алардын «Афур» жана «Бади» аттуу кызматтык иттери кинологиялык бөлүмдөрдүн эл аралык сынагында «Багаждан баңгизаттарды издөө» номинациясы боюнча биринчи жана экинчи орунду ээлешти.

Иш-чара Кыргыз Республикасынын Финансы министрлигине караштуу Мамлекеттик бажы кызматынын Окуу борборунда өтүп, ага Борбор Азия өлкөлөрүнүн – Казакстан, Тажикстан, Түркмөнстан, Өзбекстандын командалары, ошондой эле УКМКнын Чек ара кызматынын, Мамлекеттик бажы кызматынын жана Кыргызстандын башка укук коргоо органдарынын өкүлдөрү катышты.

ИИМ СБНОНнун кинологдорунун жана алардын кызматтык иттеринин жеңиши адистердин кесиптик даярдыгынын жогорку деңгээлин жана баңги затын мыйзамсыз жүгүртүүгө каршы күрөшүүдө ведомстволор аралык натыйжалуу координациялоону айгинелейт.