2025-жылдын январь-май айларында Кыргызстандын тышкы жана өз ара товарлардын соодасынын көлөмү 5 771,6 миллион АКШ долларын түзүп, 2024-жылдын январь-майына салыштырмалуу 14,4 пайызга кыскарды.Бул тууралуу Бишкекте өткөн брифингде Улуттук статистикалык комитеттин төрагасы Бактыбек Кудайбергенов билдирди.

Анын айтымында, экспорттук жеткирүүлөр 27,2 пайызга, импорттук түшүүлөр 11,7 пайызга кыскарган.

2025-жылдын январь-май айларында ЕАЭБге мүчө мамлекеттер менен өз ара сооданын көлөмү 1 856,7 миллион АКШ долларын түзүп, 2024-жылдын январь-майына салыштырмалуу 7,4 пайызга кыскарган. ЕАЭБге мүчө-мамлекеттердин ичинен республиканын өз ара соодасынын эң чоң үлүшү ушул мезгилде Россия менен (67,3 пайыз) жана Казакстан (67,3 пайыз) болгон.