Лейлекте оор жүк ташуучу унаанын дөңгөлөгү жарылып, айдоочусу каза болду. Бул тууралуу Баткен облустук милциясынын басма сөз кызматынан кабарлашты.

Каргашалуу окуя 8-январда Раззаков – Ош автоунаа жолунун 330-чакырымында катталган. 

“Жалал-Абад шаарынын 42 жаштагы тургуну С.Э. өзү башкарып бараткан DAF үлгүсүндөгү күйүүчү май ташуучу унаасын токтотуп коюп, арткы сол жак дөңгөлөгүн текшергени алдына барган учурда дөңгөлөк кокусунан жарылып кеткен”, – деп айтылат маалыматта. 

Оор жараат алган айдоочу ооруканага жетпей мерт кеткен. 

Бул факты Лейлек РИИБдин маалыматтардын электрондук журналына катталды. 

Жеринже ыкчам-тергөө тобу тарабынан кароо жүргүзүлүп, тиешелүү экспертизалар дайындалды.

Учурда тергөөгө чейинки текшерүү иштери жүргүзүлүүдө.

Ақпарат көзі: сайт https://caravan-info.kg/