Борбор калаада Кыргыз Республикасынын Министрлер Кабинетинин Төрагасы Адылбек Касымалиевдин төрагалыгы алдында Бишкек шаарынын мэриясынын “2024-жылга карата Бишкек шаарынын социалдык-экономикалык өнүгүүсүнүн жыйынтыктары жана 2025-жылга милдеттери жөнүндө” коллегиясынын жыйынтыктоочу жыйыны өтүүдө.
2024-жылы натыйжалуу муниципалдык башкарууну камсыз кылуу максатында Бишкек шаарынын мэриясы санариптик технологияларды иштеп чыгуу жана киргизүү боюнча иштерди улантты.
«Санариптик технологиялар борбору» муниципалдык ишканасы тарабынан уруксат берилбеген жерлерде токтоп турган унааларды эвакуациялоо үчүн «Автоэвакуатор» маалыматтык тутумдары, «Акылдуу аялдама» – коомдук транспортко реалдуу убакытта көзөмөлдөө, тыюу салынган унаа токтотуучу жайларды көрсөтүү менен санариптик карта иштелип чыкты жана ишке киргизилди. «Өндүрүштүк иштердин эсепке алуу» – шаардык мэрия тарабынан коюлган тапшырмалардын аткарылышын көзөмөлдөө, «Аймактарды санитардык тазалоо» – жарандардын электрондук кайрылууларын кароо процесстерин автоматташтыруу жана алардын аткарылышын көзөмөлдөө, Ирригациялык тармактар боюнча маалыматтык система – Бишкек шаарынын интерактивдүү картасында иригациялык тармактарынын узундугун, абалын жана жайгашкан жерин онлайн режиминде көзөмөлдөө, “Бирдиктүү санариптик платформа” – Бишкек шаарынын мэриясынын Билим берүү башкармалыгынын иш процесстерин автоматташтыруу.
Мындан тышкары, «Ордер» маалыматтык системасын иштеп чыгуу боюнча иштер жүргүзүлдү, бул система оңдоо, авариялык оңдоо иштерин жана жеңил типтеги объекттерди, турак жана турак эмес жайларды (ички кварталдык туташтыруулар) жер астындагы инженердик тармактарга туташтыруу процесстеринин натыйжалуулугун жогорулатуу максатын көздөйт.
e-meria.kg муниципалдык порталында «Шаардык аймактарды тейлөө мониторинги» («Мэрдин мониторун») маалыматтык системасы боюнча керектүү маалыматтарды көрсөтүү үчүн кошумча функционал түзүлдү. «Менин шаарым» мобилдик колдонмосу актуалдаштырылып, 2024-жылы активдүү колдонуучулардын саны 500 миң адамга жакындады.
Ақпарат көзі: сайт https://caravan-info.kg/