Кышкы каникул мезгилинде Ички иштер органдарынын кызматкерлери коомдук тартипти жана жарандардын коопсуздугун камсыз кылуу боюнча чараларды күчөтүүдө. Бул тууралуу ИИМдин басма сөз кызматынан кабарлашты. 

Майрамдык күндөрү салттуу түрдө массалык иш-чаралар, туристтердин агымынын көбөйүшү жана муз тебүү базаларында, сейил бактарда жана башка коомдук жайларда эс алуучулардын көбөйүшү менен коштолот.

Милициянын негизги иш аракеттери укук бузуулардын алдын алууга жана эл көп чогулган жерлерде коомдук тартипти сактоого, жол коопсуздугун көзөмөлдөөгө багытталган.

Ички иштер министрлиги жарандарды мыйзамды сактоого, сергек болууга жана шектүү жагдайлар тууралуу кыска 102 телефону аркылуу дароо билдирүүгө чакырат.

Милиция кызматкерлери күнү-түнү кызматта болуп, ар бир жаран жана коноктордун кышкы эс алууларын коопсуз жана тынч шартта өткөрүүсү үчүн бардык зарыл чараларды көрүшөт.

Ақпарат көзі: сайт https://caravan-info.kg/