МОСКВА, 9-октябрь, 2025-жыл — «Караван инфо» агентствосу. Россиянын агроөнөр жай комплекси акыркы он жылда туруктуу өсүштү көрсөтүп, анын көлөмүн 50% дан ашык көбөйттү, деп билдирди премьер-министр Михаил Мишустин «Алтын күз» көргөзмөсүндөгү «Санариптештирүү айыл чарба өндүрүмдүүлүгүн жогорулатуунун куралы» пленардык сессиясында.

Өкмөт башчынын айтымында, ата мекендик айыл чарбасы «технологиялык жактан өнүккөн жана атаандаштыкка жөндөмдүү» болуп, Россияга азык-түлүк коопсуздугун чыңдоого мүмкүндүк берди. Мишустин дыйкандарга эмгектери учун алкыш айтып, алардын жетишкендиктери мындан аркы ийгиликтерге шыктандырып жаткандыгын белгиледи.

Ал президент Владимир Путин улуттук эгемендүүлүктүн түркүктөрүнүн бири катары айыл чарбанын маанилүүлүгүн бир нече жолу баса белгилегенин эске салды.

Премьер-министрдин айтымында, санариптик технологияларды өнүктүрүү жана өндүрүштү модернизациялоо айыл чарба сектору үчүн өсүш жана экспорт үчүн жаңы мүмкүнчүлүктөрдү ачып жатат.

Сүрөт: РИА Новости архивинин сүрөтү