Москва шаарында «Крокус Экспо» эл аралык көргөзмө борборунда World Food Moscow эл аралык азык-түлүк көргөзмөсүнүн алкагында Кыргызстандын экспортко багытталган 15 компаниясынын катышуусунда Кыргыз Республикасынын Улуттук көргөзмөсүнүн ачылышы өттү. Бул тууралуу КР ТИМдин басма сөз кызматынан кабарлашты. 

Көргөзмө менен таанышуу учурунда Кыргызстандын Россиядагы элчиси Кубанычбек Бөкөнтаев көргөзмөнүн катышуучуларына-Кыргызстандын компанияларынын өкүлдөрүнө ыраазычылык билдирип, өлкөнүн даамын жана маданий мурасын чагылдырган улуттук стендде көрсөткөн табигый жана экологиялык таза продукциянын бай ассортиментин белгилеп өттү жана экспортту илгерилетүүдө жана жалпысынан Кыргыз Республикасын тышкы рынокто көрсөтүүдө атамекендик компаниялардын салымын баса белгиледи.

Ата мекендик өндүрүүчүлөрдүн продукциясын экспорттоого көмөктөшүү максатында Элчилик тарабынан Кыргыз Республикасынын Экономика жана коммерция министрлигине караштуу «Кыргыз экспорт» экспортту өнүктүрүү жана илгерилетүү борборунун директору У.Таиров жетектеген кыргыз делегациясы үчүн Россиянын Экспорттук борборунда, Россия Федерациясынын Соода-өнөр жай палатасында, МСП корпорациясында, Москванын Соода-өнөр жай палатасында, ФГБУ «Агроэкспортто», АО «Экспоцентрде» ж.б. жайларда бир катар жолугушуулар иштелип чыкты.

Кыргыз Республикасынын Улуттук көргөзмөсү 2024-жылдын 17-сентябрынан 20-сентябрына чейин иштейт.

Азык-түлүк ассортименти өзүнө төмөнкүлөрдү камтыйт: