Бүгүн эртең менен Лондондун ICE биржасында Brent мунайынын декабрь фьючерстеринин баасы баррелине 72,68 долларга чейин түшүп, 4,43 пайызга төмөндөдү. Ошо сыяктуу эле, WTI чийки мунай фьючерс баасы 4,54 пайызга төмөндөп, баррелине 68,52 долларды түздү.

Серепчилер буга чейин 28-октябрда, дүйшөмбү күнү мунайдын баасынын төмөндөшүн болжолдоп, муну Израилдин соңку чабуулдарынын натыйжасында Ирандын мунай жана атомдук инфраструктурасына олуттуу зыян келтирилбегени менен түшүндүрүшкөн. Эксперттердин айтымында, энергия менен камсыздоого таасирин тийгизип, баанын көтөрүлүшүнө алып келген конфликт негизги объектилерге жана инфраструктурага чоң таасирин тийгизбей, базардагы кооптонууну азайтты.

Мунайдын баасы өткөн аптанын башында сооданын туруксуздугунун жана 1-октябрдагы чабуулдан кийин Израилдин өч алуусу ыктымалынын күтүүлөрүнүн шартында кескин көтөрүлүп, инвесторлордун аймактагы энергетикалык камсыздоонун туруктуулугуна тынчсыздануусун күчөттү.

Сүрөт: Pixabay.com / Moni49