Израилдин Премьер-министри Биньямин Нетаньяху Ливандын “Хезболла”кыймылына таандык байланыш түзүлүштөрүнүн жарылуусуна Израилдин тиешеси бар экенин биринчи жолу ачык ырастады. Бул тууралуу ал министрлер кабинетинин жыйынында билдирди дейт The Times of Israel.

Нетаньяху пейджер операциясы жана “Хезболланын” лидерлеринин бири Хасан Насралланы жок кылуу аракети коргоо мекемесиндеги кээ бир жогорку даражалуу чиновниктердин каршылыгына карабастан жасалганын белгилеп, Жакында кызматтан алынган коргоо министри Йоав Галантты ишара кылды. Өкмөт башчы чечим саясий тобокелчиликтерди эске алуу менен кабыл алынганын жана “Израилдин улуттук коопсуздугуна коркунучту азайтууга”багытталганын билдирди.

17 жана 18-сентябрда болгон бир катар жардыруулар Ливандын ар кайсы аймактарында пейджер жана рация сыяктуу байланыш каражаттары жарылып, 37 адамдын өмүрүн алып, үч миңден ашуун адам жабыркаган. Жарадар болгондордун арасында Ирандын Ливандагы элчиси Можтаба Амани да болгон. Буу бул окуяны согуш кылмышы катары квалификациялаган.

Израилдин жетекчилиги буга чейин бул кол салууларга тиешеси бар экенин четке каккан, бирок кийинчерээк The Washington Post операцияга даярдык 2022-жылы башталганын билдирген. 1-октябрда Израилдин армиясы Ливандын түштүгүндө абадан чабуулдар жана танктык аткылоолор менен коштолгон кургактык операциясын баштаганда күчөгөн. Буга жооп кылып, Хезболла Израил менен куралдуу кагылышууда” жаңы деңгээлге “өткөнүн жарыялады.

Нетаньяху 5-ноябрда Коргоо министри Галантты кызматтан кетирип, аскердик жаңжалда ага ишенбестигин билдирди. Бул чечим Израилдин ичинде нааразылык толкунун жаратты, анткени жарандар жана оппозиция министрдин алмашуусун Ливан менен чыңалуу күчөгөн маалда өлкө жетекчилигиндеги туруксуздуктун белгиси катары кабыл алышты

Сүрөт: Ale_Mi