Бишкек шаарынын мэриясына караштуу уюмдардын жетекчилери жана мэрдин орун басары Рамиз Алиев “Орто-Сай” жана “Аламүдүн” базарларынын аймагын иретке келтирүү иштерин улантууда.

Алгач 252 унаага ылайыкталган жертөлөсү бар, көп кабаттуу автоунаа токтотуучу жайдын курулуш иштеринин жүрүшү менен таанышышты. Бул иштер унаа токтотуучу жайлардын маселесин кыйла жеңилдетет жана шаардыктардын жашоо сапатын жакшыртат.

Жукеев Пудовкин/Безымянная көчөлөрүнүн кесилишине жакын жайгашкан үйлөрдөгү жашоочулардын көйгөйлүү маселелерин жана сунуштарын угушту. Жеринде тиешелүү адистер тарабынан шаардыктардын суроолоруна жооптор берилди.

Октябрь районунун акими билдиргендей, “Орто-Сай” базарынын ичиндеги жолду калыбына келтирүү иштери апрель айынан тарта башталат. Асфальт төшөө күндүн жылуу мезгилинде, абанын температурасы 5 °C жогору  болгондо гана жүргүзүлөт.

“Орто-Сай” базарынын ээлерине имараттардын сырткы көрүнүшүн оңдоону ыкчам аткаруу тапшырылган. Ошондой эле, “Бишкекбашкыархитектура” мекемеси менен биргеликте бирдиктүү дизайн коду боюнча документтерди иштеп чыгуу иштерин бүтүрүү тапшырмасы коюлду.

Текшерүү “Аламедин” базарында уланды. Жалпы автоунаа токтоочу жайлардагы коомдук транспорттордун кыймылына жана автоунаалардын токтоосуна көңүл бурулду. Бул маселени чечүү үчүн Алма-Ата көчөсүндөгү таксилердин токтоосуна жол бербөө жана муниципалдык автобустардын ыңгайлуу кыймылы үчүн атайын чектөөлөр орнотулду.

Пилоттук режимде Муса Жалил жана Буденный көчөлөрү бир тараптуу кыймылга өттү. Бул жол менен жолдордогу тыгындар акырындап жоюлууда. Ошондой эле Буденный көчөсүнө 3.27 белгилери орнотулган. Токтоого тыюу салынган.

Мындан тышкары, “Аламүдүн” базарында көп кабаттуу унаа токтотуучу жайдын курулушу күтүлүүдө, бул курулушка Муса Жалил көчөсүндө орун бөлүнгөн.

Шаардык инспекция күнүмдүк көзөмөлдү жүргүзүп, башаламан соода-сатыкты болтурбоого аракет кылууда. Рейддер күндүз жана түнкү убакта күчөтүлгөн режимде өткөрүлүүдө.

Муниципалдык инспекция уруксатсыз соодага жол бербөө боюнча күн сайын көзөмөл жүргүзүүдө. Рейддер күндүз да, түнкүсүн да күчөтүлгөн режимде өткөрүлүп жатат.

Базарларды көрктөндүрүү маселеси Бишкек шаарынын мэриясынын  көзөмөлүндө.

Ақпарат көзі: сайт https://caravan-info.kg/