Тышкы иштер министри Жээнбек Кулубаевдин чакыруусу менен Россиянын тышкы иштер министри Сергей Лавров 2025-жылдын 28-29-июнунда Кыргыз Республикасына расмий сапар менен келет.

Сапардын алкагында эки өлкөнүн тышкы саясат ведомстволорунун жетекчилеринин сүйлөшүүлөрү пландалып, анын жүрүшүндө кыргыз-орус стратегиялык өнөктөштүктүн жана союздаштыктын актуалдуу маселелери, ошондой эле эки тараптуу кызматташуунун негизги аспектилери жана эл аралык күн тартиби талкууланат.