Ош шаарынын Черемушка кичи районунда 700 орунга эсептелген Валентина Терешкова атындагы мектеп-интернатынын жаңы имаратынын курулушу аяктоо алдында турат. Бул тууралуу Ош шаардык мэриясынын Капиталдык курулуш башкармалыгынын маалымат кызматы билдирди.

"Аймакта футбол аянтчасы, дааратканалар, тосмолор жана өрткө каршы гидранты бар. Курулушту 20-июнга бүтүрүү пландалууда", – деди Ош шаардык мэриясынын Капиталдык курулуш башкармалыгынын контролеру Акылбек Акаев.

Интернат 700 орунга ылайыкташтырылып, анын 500ү студенттер үчүн арналган.

Жаңы имарат спорт залы, спорт аянтчалары, эс алуу аймагы, санитардык түйүндөр жана бардык заманбап ыңгайлуулуктар менен жабдылган.