Парижде израилдик күйөрмандар жапа чеккен Амстердамда жакында болгон зордук-зомбулуктан кийин коопсуздук чаралары күчөгөн Франция менен Израилдин командаларынын ортосундагы улуттар Лигасынын беттеши өтөт. Француз бийликтери тартипти сактоо үчүн 4000ге жакын полиция кызматкерин тартууда, алардын 2500ү “Стад де Франс” стадионунун айланасында, дагы 1500ү Парижде жана шаардык транспортто коопсуздукту камсыздайт.

Франция президенти Эммануэль Макрон беттешке жеке өзү катышып, Амстердамда болгон антисемиттик окуялардан кийин израилдиктер менен тилектештигин билдирди. Президенттик администрациянын билдирүүсүндө Макрон “бир туугандык жана тилектештик белгисин” жөнөтүүнү каалап, зордук-зомбулук жана жек көрүүчүлүк көрүнүштөрүнө жол берилбестигин баса белгилегени айтылат.

Париж полициясынын префектиси Лоран Нуньес бул иш-чара кооптуу окуя катары бааланып жатканын белгиледи. “Биз зордук — зомбулукка жол бербейбиз”, – деди ал, Француз полициясы матчта тартипти камсыз кылуу үчүн Израилдин коопсуздук күчтөрү менен активдүү кызматташып жатканын баса белгиледи.

Израилдин Улуттук Коопсуздук кеңеши чет өлкөлөрдө жүргөн жарандарга спорттук жана маданий иш-чаралардан, анын ичинде Парижде боло турган беттештен алыс болууну эскертти.

Сүрөт: British Herald, InterVision