Польшанын көпчүлүк тургундары экономикалык кесепеттерден коркуп, евро киргизүүгө каршы THINK фондунун изилдөөсүнө ылайык, сурамжылоого катышкандардын 23% гана европалык бирдиктүү валютага өтүүнү колдосо, 48% каршы болгон.

Терс мамиленин негизги себептеринин арасында респонденттер төмөнкүлөрдү айтышты: 

– баанын өсүү коркунучу, 

– финансылык саясатты катаалдаштыруу зарылчылыгы, 

– экономикалык өсүштүн темпинин мүмкүн болуучу төмөндөшү. 

Польшада еврону киргизүү боюнча талкуу көп жылдардан бери уланып келет. Бирок, өлкө Венгрия жана Чехия менен бирге 2004-жылы Евробиримдикке кирген мамлекеттердин арасында дагы эле бирдиктүү валютаны кабыл ала элек.

Польшанын Борбордук банкынын башчысы Адам Глапинский анын Улуттук банктын жетекчилиги астында еврого өтүү мүмкүн эмес экенин бир нече жолу баса белгилеген. 2017-жылы вице-премьер Матеуш Моравецкий Польша евро киргизүүнү анын экономикасы Германия, Франция жана Нидерланддар менен теңелгенде гана ойлой турганын билдирген.

Экономикалык эксперт Бартош Новак: “еврону киргизүү пайда да, тобокелчиликти да алып келет. Бирок, Польша коому баанын көтөрүлүшүнөн жана каржылык туруксуздуктан улам бул кадамга даяр эмес. Ийгиликтүү өтүү үчүн масштабдуу маалыматтык кампания жана түзүмдүк реформалар зарыл”. 

Ушундай маанайдын фонунда Польшанын жетекчилиги Улуттук валютаны бекемдөөнү жана экономиканы турукташтырууну артык көрүп, күтүү жана көрүү позициясын карманууну улантууда.

Сүрөт: Pixabay.com / martaposemuckel