Кыргыз Республикасынын Президенти Садыр Жапаровдун Россия Федерациясына 8-9-майда болгон жумушчу сапары аяктады.

Сапардын биринчи күнүндө мамлекет башчысы Улуу Ата Мекендик согуштагы Жеңиштин 80 жылдыгына карата уюштурулган концерттик программага катышты.

Иш-чаранын алдында президент Садыр Жапаровду Орусиянын президенти Владимир Путин тосуп алды.

9-майда президент Садыр Жапаров Москвадагы Кызыл аянтта өткөн аскердик парадга катышты.

Салтанаттуу иш-чарага 10 миңге жакын адам катышып, 130дан ашык аскердик техника жана авиация тартылган. Жөө колоннага адаттагыдай эле аскерлердин ар кандай бутактарынын жана түрлөрүнүн өкүлдөрүнөн турган полктор, батальондор жана роталар кирген.

Кыргыз Республикасынын Куралдуу Күчтөрүнүн Улуттук гвардиясынын параддык бөлүгү Россиянын башкы аянтында өлкөнүн намысын татыктуу көрсөтүп, машыгуунун жогорку деңгээлин көрсөтүштү.

Парадга президент Садыр Жапаров менен бирге Беларустун лидерлери Александр Лукашенко, Казакстандын лидерлери Касым-Жомарт Токаев, Кытайдын Си Цзиньпин, Орусиянын Владимир Путин, Тажикстан Эмомали Рахмон, Түркмөнстандын лидерлери Сердар Бердымухамедов жана Өзбекстандын президенти Шавкат Мирзиёев катышты.

Армения, Буркина-Фасо, Босния жана Герцеговина, Бразилия, Вьетнам, Венесуэла, Гвинея-Бисау, Египет, Зимбабве, Конго, Куба, Монголия, Мьянма, Палестина, Сербия, Словакия, Экватордук Гвинея жана Эфиопиянын мамлекет башчылары жана премьер-министрлери да чакырылган.

Параддын соңунда мамлекет башчылары Россиянын президенти Владимир Путин менен бирге согушта курман болгондордун элесине таазим этип, Александр бакчасындагы Белгисиз жоокердин мүрзөсүнө гүл коюшту.

Жумушчу сапарын аяктаган Садыр Жапаров 9-майда Бишкекке кайтып келди.