Орусиянын президенти Владимир Путин АКШнын мурдагы президенти Дональд Трамптын туулган күнүнө карата телефон аркылуу сүйлөштү. Трамптын айтымында, сүйлөшүү бир сааттай созулган.

Ангемелешууде Жакынкы Чыгыштагы кырдаалдын курчушу женунде болду. Путин Трампка Ирандын президенти жана Израилдин премьер-министри менен болгон акыркы байланыштары тууралуу маалымат берип, Израилдин Иранга каршы аскерий операциясын айыптады. Трамп өз кезегинде Израилдин Ирандын буталарына жасаган соккусун эффективдүү деп мүнөздөдү. Ар кандай баа бергенине карабастан, эки лидер тең жаңжалдын күчөшүнө тынчсыздануусун билдирип, Израил менен Ирандын ортосундагы согушту токтотуу керек деген пикирге келишти.

Мындан тышкары, Путин 2-июнда жетишилген Стамбул келишимдеринин аткарылышы жана Украина менен туткун алмашуунун жүрүшү тууралуу маалымат берди. Ал Киев менен сүйлөшүүлөрдү улантууга даяр экенин баса белгиледи.

Трамп орус тарап бул багытта жигердүү жылып жатканын ырастады: "Ал пландалган туткундарды алмашууну жүргүзүп жатат – эки тараптан тең көп сандагы дароо алмашып жатат", – деп белгиледи саясатчы.

Трамп Украина темасы азыраак талкууланганын жана келерки жумада күн тартибине кайра чыгышы мүмкүн экенин айтты.

Эске салсак, 13-июнга караган түнү Израил Тегеран өзөктүк курал жасоого аз калганын жарыялап, Иранга каршы “Өргөн арстан” операциясын баштаган. Буга жооп кылып, 14-июнга караган түнү Иран Израилдин аскердик жана өнөр жай объектилерине сокку урду.