МОСКВА, 5-сентябрь, «Караван инфо» агентствосу.Ыраакы Чыгышты жана Сибирди өнүктүрүү Россия үчүн 21-кылымдагы улуттук артыкчылык болуп саналат.

Бул тууралуу президент Владимир Путин Владивостокто өтүп жаткан Чыгыш экономикалык форумунда (EEF) сүйлөп жатып билдирди.

Россия Федерациясынын башчысы мындай чечим 2013-жылы кабыл алынганын эске салды.

Ошондон бери бул максатка жетүү үчүн кеңири ченемдик укуктук база түзүлүп, инвестицияны колдоонун атайын инструменттери ишке киргизилди.

Алардын арасында өнүгүүнүн артыкчылыктуу аймактары, эркин Владивосток порту жана Курил аралдары үчүн жеңилдик режими бар.

Президент Владимир Путин Россиянын азыркы кылымдагы приоритети тууралуу айтты. Ыраакы Чыгышты жана Сибирди өнүктүрүү Россиянын 21-кылымдагы артыкчылыктуу багыты болуп саналат, деп билдирди Россиянын президенти Владимир Путин.

Сүрөт: РИА Новости