Кыргыз Республикасынын Суу чарба, айыл чарба жана кайра иштетүү өнөр жай министрлиги багбанчылыкты айыл чарба тармагынын приоритеттүү багыттарынын бири катары аныктап, мөмө-жемиш өндүрүүчүлөргө жигердүү колдоо көрсөтүүдө.

2023-жылдан бери министрликтин алдындагы Айыл чарба өсүмдүктөрүн жана жашылча-жемиштерди экспертизалоо департаменти көчөттөрдү өстүрүүчү питомниктер менен биргеликте мөмө-жемиш өсүмдүктөрүнүн жаңы сортторун сыноодон өткөрүүдө. Республиканын ар бир аймагында айыл чарба өсүмдүктөрүн жана сортторун райондоштуруу үчүн оптималдуу шарттар аныкталган.

Питомниктерде келечектүү заманбап жана жогорку кирешелүү сорттор өстүрүлүп, текшерилип, дыйкандарга сунушталууда. Мындай сорттордун бири «Присия» өрүктүн интенсивдүү, орто жана ультра эрте сорту болуп, департаменттин колдоосу менен «Биздин бак» питомнигинде ийгиликтүү сыноодон өтүп, сунушталды.

Баткен, Ош жана Жалал-Абад облустарында 28-апрелге карата Приция сорту оруп, сатууга даяр.