Кыргызстандын президенти Садыр Жапаров 22-сентябрдан 25-сентябрга чейин Нью-Йоркто БУУнун Башкы ассамблеясынын 80-юбилейлик сессиясына катышат.Бул тууралуу КР Президентинин Аппаратынын тышкы саясат бөлүмүнүн башчысы Сагынбек Абдумуталип билдирди.

«Садыр Жапаров жумушчу сапарынын алкагында БУУнун Башкы ассамблеясынын жалпы дебаттарында сөз сүйлөйт.

Мамлекет башчысы ошондой эле БУУнун Коопсуздук Кеңешинин «Жасалма интеллект: эл аралык коопсуздук жана тынчтык» темасындагы ачык дебаттарына жана Климаттын өзгөрүшү боюнча жогорку деңгээлдеги атайын иш-чарага катышат.

«Мындан тышкары, БУУнун Башкы ассамблеясынын алкагында Президент менен БУУнун Башкы катчысы Антониу Гутерриштин, ошондой эле Америка, Европа, Азия жана Африка өлкөлөрүнүн мамлекет башчылары жана делегациялары менен эки тараптуу жолугушуулар пландаштырылууда», – деп белгиледи Сагынбек Абдумуталип.