Кыргызстандын президенти Садыр Жапаров Кыргызстанга болгон расмий сапарынын алкагында Түркиянын Улуу Улуттук Жыйынынын Төрагасы Нуман Куртулмуш менен жолугушту. Бул тууралуу мамлекет башчынын басма сөз кызматы билдирди.

Тараптар стратегиялык кызматташтыкты, парламенттер аралык байланыштарды чыңдоону, ошондой эле ар кыл багыттагы эки тараптуу мамилелерди мындан ары өнүктүрүүнү талкуулашты.

Мамлекет башчысы боордош Түркия менен өнөктөштүктү бекемдөөгө өзгөчө маани берерин белгиледи.

Ал саясий, соода-экономикалык, маданий-гуманитардык жана аскердик-техникалык чөйрөлөрдө эки тараптуу кызматташтыкты кеңейтүү үчүн пайдаланылбаган чоң потенциал бар экенин баса белгиледи.

Өз кезегинде Түркиянын Улуу Улуттук Жыйынынын Төрагасы Нуман Куртулмуш жылуу кабыл алгандыгы үчүн ыраазычылык билдирип, Президент Садыр Жапаровго Түркиянын Президенти Режеп Тайып Эрдогандын жылуу саламын айтып, боордош республиканын элине терең урмат-сый билдирди.

Ал түрк тараптын түрдүү чөйрөлөрдө эки тараптуу кызматташтыкты өнүктүрүүгө багытталган биргелешкен долбоорлорду жана демилгелерди ишке ашырууга жигердүү катышууга даярдыгын, анын ичинде парламенттер аралык өз ара аракеттенүүнү ырастады.