Бүгүн, 9-майда, Кыргыз Республикасынын Президенти Садыр Жапаров жаңы Рим Папасы Лев XIVну Кыргызстан элинин жана жеке өзүнүн атынан бүткүл католик чиркөөсүнүн башчысы болуп шайланышы менен куттуктады.

«Сиздин Рим папасы катары кызматыңыз эл аралык тынчтыкты жана адилеттүүлүктү бекемдөө, ошондой эле дүйнөлүк диндердин ортосундагы диалогду өнүктүрүү жана жалпы адамзаттык баалуулуктарды жайылтуу үчүн чоң мааниге ээ.

Кыргызстан Ватикан менен түзүлгөн достук мамилелерди жогору баалайт жана өз ара түшүнүшүү, урматтоо жана жалпы тынчтыкка умтулуу принциптерине негизделген кызматташууну улантууга даяр экенин билдирет.

«Сизге чың ден соолук, бакубатчылык жана адамзатка кызмат кылууда күч-кубат каалайм», – деп айтылат президент Садыр Жапаровдун куттуктоо телеграммасында.