Министрлер Кабинетинин Төрагасынын орун басары, Суу чарба, айыл чарба жана кайра иштетүү өнөр жай министри Бакыт Төрөбаев республиканын бардык үрөнчүлүк чарбаларына жогорку түшүмдүүлүктү өстүрүү жана дыйкандар арасында кеңири жайылтуу боюнча бир катар тапшырмаларды берди.

Инструкцияга ылайык, Баткен облусунда цитрус жемиштери (мандарин, апельсин, зайтун ж.б.) сыноодон өткөрүлдү. б) Кара-Суу районундагы «Кыргыз сорт сыноо станциясы» мамлекеттик ишканасынын Отуз-Адыр филиалында 4 гектар аянтка Түркиядан алынып келинген «Продюсер Сайс» сортундагы өсүмдүктөр жана маржалуу дарбыздар, Голландиядан алынып келинген «Лоджейн» сортундагы помидорлор 4 гектар аянтка өстүрүлөт. Ошондой эле «Оомат-Агро» өндүрүштүк үрөнчүлүк кооперативинде 5 сорттогу жүзүм көчөттөрү өстүрүлүп, сыноодон өтүүдө. Кошумчалай кетсек, мындай сыноолор өлкөнүн бир катар аймактарында активдүү жүргүзүлүүдө.

"Бардык үрөн чарбалары 1-2 гектар жерге чоң пайда алып келе турган жогорку рентабелдүү өсүмдүктөрдү сынап көрүп, аны иштетип, андан соң дыйкандарды туура өстүрүү ыкмаларына үйрөтүү зарыл. Ар бир өсүмдүк үчүн болобу, мейли жүзүм болобу, дарбыз болобу, помидор болобу, жогорку кирешелүү чарбаларда өстүрүү үчүн семинарларды облустук, райондук деңгээлде жайылтуу зарыл.

Дыйкандар көп киреше алып келе турган айыл чарба өсүмдүктөрүн өстүрүү менен киреше булактарын көбөйтүүсү керек. Ошол эле учурда сугат суусун үнөмдөө үчүн тамчылатып сугаруу ыкмасын киргизүү зарыл, – деп белгиледи Бакыт Төрөбаев.