Түркия Республикасынын Улуу Улуттук Жыйынынын Төрагасы Нуман Куртулмуш Кыргызстанга расмий сапар менен келди. Бул тууралуу парламенттин басма сөз кызматы билдирди.

Ардактуу конокту «Манас» эл аралык аэропортунан Жогорку Кеңештин төрагасынын орун басары Нурланбек Азыгалиев менен Түркия менен кызматташуу боюнча парламенттик достук тобунун жетекчиси Алишер Козуев тосуп алды.

29-апрелге чейин созула турган расмий сапардын алкагында Жогорку Кеңештин төрагасы Нурланбек Тургунбек уулу менен Нуман Куртулмуштун эки тараптуу сүйлөшүүлөрү пландалууда.

Мындан тышкары, парламенттер аралык кызматташтыкты өнүктүрүүгө багытталган документке кол коюу күтүлүүдө.