Талас районундагы 500/220/10 кВ “Түлөбердиева” көмөкчордонунда масштабдуу реконструкция иштери жүргүзүлүүдө. Модернизациялоонун максаты – аймактын энергетикалык инфраструктурасынын ишенимдүүлүгүн жана натыйжалуулугун жогорулатуу.

Реконструкциялоонун жүрүшүндө эскирген электромеханикалык релелик коргоо жана автоматика панелдери (РПА) заманбап микропроцессордук терминалдарга алмаштырылууда. Бул приборлор энергетикалык системалардын коопсуздугу жана ишенимдүүлүгү боюнча заманбап талаптарга жооп берген жогорку тактыкты, жооп берүү ылдамдыгын жана алыстан башкаруу мүмкүнчүлүктөрүн камсыз кылат.

Тулебердиева атындагы подстанцияны Токтогул ГЭСи жана Фрунзенская подстанциясы менен байланыштырган электр беруучу линиялардын коргоо системаларын модернизациялоого езгече кецул бурулууда. Кадамдык жана дифференциалдык коргоо орнотулууда, авариялык башкаруу системалары жаңыланууда, бул мүмкүн болгон өзгөчө кырдаалдарга ыкчам чара көрүүгө мүмкүндүк берет.

Бардыгы болуп заманбап санариптик технологиялар менен жабдылган 10 жаңы релелик коргоо жана автоматташтыруу панелдерин орнотуу пландаштырылууда. Жаңы микропроцессордук терминалдар компьютердик системалар менен интеграцияны камсыз кылып, жабдууларды көзөмөлдөөнү жана башкарууну жеңилдетет.

«Түлөбердиева» көмөкчордонун модернизациялоо Талас облусунда электр менен камсыздоонун ишенимдүүлүгүн жогорулатууда жана энергетика тармагында заманбап санариптик технологияларга өтүүдө маанилүү кадам болуп саналат.