25-июлдан 30-июлга чейин Ташкентте улуттар аралык мамилелер жана чет өлкөдөгү мекендештер комитети тарабынан уюштурулган “Достук фестивалы” өтүүдө. Фестивалдын алкагында 29-июлда орус, башкыр жана татар маданияттарынын павильондорунун салтанаттуу ачылышы болду.

Салтанатка Орусиянын Өзбекстандагы убактылуу ишенимдүү өкүлү Андрей Ланчиков катышты. Ал иш-чаранын тынчтыкты чыңдоо, тилдерди жана маданияттарды сактоо үчүн маанисин белгилеп, мындай демилгелер элдердин достугун бекемдей турганын баса белгиледи.

"Бул маданият муундарды кандайча бириктирип, кызматташуунун жаңы горизонтторун ачканынын жандуу мисалы. Өзбекстандын жетекчилигине улуттук көп түрдүүлүктү сыйлоого көңүл бургандыгы үчүн өзгөчө ыраазычылык", – деп баса белгиледи Ланчиков.

Фестиваль 30-июлга чейин уланып, республикада жашаган түрдүү элдердин каада-салтын, музыкасын, кол өнөрчүлүгүн жана ашканасын көрсөтүүчү аянтчага айланат.