Душанбе, 24-июнь, – «Караван Инфо» МА.Тажикстан Республикасынын Тышкы иштер министри Сироджиддин Мухриддин Түркиянын Стамбул шаарында өткөн Ислам Кызматташтык Уюмунун (ИКУ) Тышкы иштер министрлеринин 51-жыйынына катышып, сөз сүйлөдү. Иш-чарага ИКУга мүчө өлкөлөрдүн мамлекет башчылары, тышкы иштер министрлери жана расмий делегациялары катышты.

Тажикстандын Тышкы иштер министрлигинен билдиришкендей, жолугушуунун күн тартибинде аймактык стабилдүүлүк, Палестина мамлекетиндеги учурдагы кырдаал, эл аралык терроризм жана экстремизмге каршы күрөш, ошондой эле Израил менен Ирандын мамилесиндеги кризистин курчушу талкууланды.

Жыйында сүйлөгөн сөзүндө Тажикстандын тышкы иштер министри өсүп жаткан чакырыктардын контекстинде ИКУга мүчө-мамлекеттердин жамааттык жана макулдашылган аракеттеринин маанилүүлүгүн баса белгиледи. Ал Тажикстандын өкмөтү тарабынан терроризмге каршы күрөшүү, радикалдашуунун алдын алуу жана аймактык коопсуздукту чыңдоо боюнча көрүлүп жаткан натыйжалуу чаралар тууралуу кеңири маалымат берди.

Анын суйлеген сезунде социалдык-экономи-калык енугуу маселелерине езгече кецул бурулду. Сирожиддин Мухриддин белгилегендей, ИКУ өлкөлөрүнүн ортосундагы соода-экономикалык кызматташтыкты кеңейтүү, анын ичинде биргелешкен программаларды жана долбоорлорду ишке ашыруу жакырчылыкты жоюуда, жумуш орундарын түзүүдө жана ислам дүйнөсүнүн туруктуу өнүгүүсүндө негизги ролду ойнойт.

Жолугушуунун жыйынтыгында министрлер ИКУнун Уставына берилгендигин, Палестина эли менен тилектештигин жана аймактык кагылыштарды деэскалациялоо жана ислам биримдигин чыңдоо боюнча саясий жана дипломатиялык аракеттерди улантуу зарылдыгын ырасташты.

СУРвТТв: Тажикстан Республикасынын тышкы иштер министерствосу