Тажикстандын өкмөтү электромобилдерди импорттоо үчүн жеңилдетилген шарттарды түзүп жатат: май айынын ортосунан тарта жалаң электр кубаты менен иштеген жана бир жылга жетпеген убакыт мурун чыгарылган унаалар КНС жана акциздик салыктардан бошотулат. Бул жеңил унааларга гана эмес, электр автобустары менен троллейбустарга да тиешелүү.

Эксперттердин айтымында, мындай чаралар электромобилдерди арзаныраак кылат. Бирок алар жаңы заводдук унаалар мурдагыдай эле кымбат бойдон кала берерин белгилешет.

Импортчулар жана электр кубаттоочу станцияларды куруучулар 10 жылга салыктан бошотулду. Бийлик 2030-жылга карата электр транспортунун үлүшүн өлкөнүн бардык автопаркынын 30% га чейин көбөйтүүнү пландап жатат, ал эми Дүйшөмбүдө бардык коомдук транспортторду электр тартмасына өткөрүү чечими кабыл алынган.

Өлкө ошондой эле өз өндүрүшүн ишке киргизүүгө даярданып жатат. Министр Шерали Кабирдин айтымында, Тажикстан кытайлык үч компания менен сүйлөшүүлөрдү жүргүзүп жатат жана электромобилдер тармагында үч долбоорду ишке ашырууну пландоодо.

Сүрөт: Ачык булактар