Душанбе, 3-август, – Караван инфо маалымат агенттиги.“Тажикстан Республикасын 2040-жылга чейинки мезгилге жашылдандыруу боюнча мамлекеттик программаны” ишке ашыруунун алкагында өлкө боюнча бак-дарактарды отургузуу жана токой ресурстарын калыбына келтирүү боюнча масштабдуу иштер уланууда. Бул тууралуу Тажикстан Республикасынын Өкмөтүнө караштуу Токой чарба агенттигинин директорунун орун басары Давлатали Шарифзода 31-июлда Душанбеде өткөн маалымат жыйынында билдирди.

Давлатали Шарифзоданын айтымында, бүгүнкү күнгө чейин өлкөнүн ар кайсы аймактарында – Тажикстандын климаттык шартына туруктуу жашыл, декоративдүү, мөмөлүү жана көлөкө түрдөгү 102 308ден ашуун бак-дарак отургузулган. Көчөт отургузуу шаарларда жана райондордо да, ошондой эле Душанбе-Варзоб, Душанбе-Вахдат, Душанбе-Гисар жана Душанбе-Бохтар багыттарын кошкондо негизги автомагистральдардын боюнда да жүргүзүлдү.

Өзгөчө көңүл жээктеги капталдарга, адырларга жана өсүмдүктөрү аз аймактарга бурулду. Бак-дарактардын өсүшүн камсыз кылуу үчүн үзгүлтүксүз багуу иштери жүргүзүлөт: топуракты жумшартуу, сугаруу жана тышкы таасирлерден коргоо.

Пресс-конференцияда жаңы токой аянттарын калыбына келтирүү жана отургузуу иштеринин жүрүшү тууралуу маалыматтар да айтылды.

2025-жылдын 1-июлуна карата оперативдүү маалымат боюнча Агенттиктин тутумуна кирген уюмдар жалпысынан 3276,3 га аянтка жумуштарды аткарышкан, анын ичинде:

• жаңы токойлорду түзүү – 1097,4 га;
• токойлуу жерлерди калыбына келтирүү – 1862,9 га;
• адистештирилген плантацияларды (мисте, бадам, жаңгак) түзүү – 316 га.

Мындан тышкары, 984,5 гектар аянтка болгон көчөттөрдү ныктоо, 10 миң 59 гектар аянтка токойду багуу иштери жүргүзүлдү.

Маалымат жыйынында Мамлекеттик программанын алкагындагы иштер бекитилген графикке ылайык улана турганы баса белгиленди. 2040-жылга чейин жашылдандыруу программасы экологиялык гана эмес, ошондой эле микроклиматты жакшыртууга, калктын жашоо деңгээлин жогорулатууга жана туруктуу экологиялык чөйрөнү түзүүгө багытталган социалдык маанилүү демилге.

СУРвТТв: республиканын екметунун алдындагы Токой чарба агентствосу