КАБУЛ, 30-июль, 2025-жыл – Караван инфо маалымат агенттиги.Талибандын Саламаттыкты сактоо министрлиги Тажикстандан кайтып келген оогандарга медициналык жардам көрсөтүү үчүн Шер Хан Бандар дарбазасында (Шер Хан порту) көчмө медициналык лагерь ачылганын билдирди.

Министрлик Кундуз облустук саламаттыкты сактоо департаментинин башчысы, доктор Мохаммадулла Хекматка шилтеме берип, лагерге Ага Хан кеңсесинен эки мобилдүү медициналык топ жана BDN жана JAC бирден бригадасы жайгаштырылды. Алар кайтып келгендерге күнү-түнү медициналык кызмат көрсөтүшөт.

Доктор Хекмат Кундуздагы бардык медициналык мекемелерге кайтып келгендердин жана качкындардын медициналык муктаждыктарына артыкчылык берүү тапшырмасы берилгенин баса белгиледи.

Мындан тышкары, мекенине кайтып келген жарандарды тез жана натыйжалуу дарылоо жана кам көрүү үчүн Кундуздун ар кайсы райондоруна жана кичи райондоруна көчмө медициналык бригадалар үзгүлтүксүз жөнөтүлүп турат.

Лагердин курулушу тажик өкмөтү Иран менен Пакистандан үлгү алып, өз аймагындагы ооган жарандарынын бир бөлүгүн мекенине кайтаруу ниетин билдирип, тиешелүү чараларды көрө баштагандан көп өтпөй башталган.

Сүрөт: Караван Инфонун өнөктөштөрү