Душанбе, 17-сентябрь – Караван инфо маалымат агенттиги.15-сентябрда Доха шаарында Араб мамлекеттеринин башчыларынын жана Ислам Кызматташтык Уюмуна мүчө мамлекеттердин башчыларынын кезексиз жыйынынын алкагында Тажикстан Республикасынын Президенти, Эл лидери Эмомали Рахмон Иран Ислам Республикасынын Президенти Масуд Пезешкян менен жолугушту.

Тараптар эки тараптуу кызматташуунун негизги маселелерин, ошондой эле эки тарапты кызыктырган аймактык жана эл аралык күн тартибин талкуулашты.

Эмомали Рахмон тажик-иран мамилелеринин акыркы жылдардагы оң динамикасына канааттануусун билдирип, лидерлердин ортосундагы үзгүлтүксүз байланыштар жана жолугушуулар достукту жана өнөктөштүктү чыңдоонун маанилүү фактору болуп саналаарын баса белгиледи.

Тажикстан менен Иранды жалпы тарыхый, маданий жана тилдик баалуулуктар байланыштырып турат, алар кызматташтыкты мындан ары тереңдетүү үчүн бекем негиз түзөт.

Жакынкы Чыгыштагы жана ислам дүйнөсүндөгү татаал кырдаалга өзгөчө көңүл бурулду. Эки өлкөнүн лидерлери тынчтыкты жана стабилдүүлүктү сактоо боюнча биргелешкен натыйжалуу чараларды көрүү зарылдыгын баса белгилешти. Бул контекстте алар Бириккен Улуттардын Уюмунун Генеральный Ассамблеясы тарабынан палестиналык-израилдик жацжалды «эки эл учун эки мамлекет» принцибинин негизинде чечууге чакырган резолюциянын кабыл алынышына канааттангандыктарын билдиришти.

Тажикстандын президенти бардык кризистерди жана жаңжалдарды сүйлөшүү жана диалог аркылуу гана чечүү мүмкүн экенин белгиледи.

СУР0ТТ0: Тажикстан Республикасынын Президентинин басма сез кызматы