Астана, 12-август, 2025-жыл – Караван Инфо маалымат агенттиги. Казакстандын президенти Касым-Жомарт Токаев Армениянын премьер-министри Никол Пашинян менен телефон аркылуу сүйлөшүп, аны Вашингтондо Армения менен Азербайжандын ортосунда тынчтык орнотуу декларациясына кол коюлушу менен куттуктады.

Акорда белгилегендей, бул тарыхый документ «Никол Пашиняндын саясий эрки күчтүү жана өз мамлекетинин улуттук кызыкчылыктарын стратегиялык көрө билген саясатчы катары көрүнүктүү сапаттарынын» аркасында мүмкүн болду. Декларация Түштүк Кавказдагы масштабдуу эл аралык кызматташтыкка, ошондой эле Казакстан менен Армениянын экономикалык жана инвестициялык өз ара аракеттенүүсүнүн кыйла интенсивдүү болушуна жол ачат.

Токаев ошондой эле Астанада Пашиняндын ушул жылдын аягына пландалган расмий сапарына даярдыктар башталганын билдирди.

Армениянын Премьер-министри куттуктоолор жана жылуу сөздөр үчүн ыраазычылык билдирди, ошондой эле сүйлөшүүлөр процессинин айрым аспектилерине токтолду. Ал өзгөчө АКШнын президенти Дональд Трамптын өтө маанилүү ортомчулук ролун белгиледи. Пашинян ошондой эле Казакстандын Армения менен Азербайжанды элдештирүү боюнча иш-аракеттерин жогору баалап, кызматташуу боюнча жаңы келишимдерге кол коюу үчүн быйыл Казакстанга барууга даяр экенин ырастады.

Сүрөт:Аккорд