3-майда Чолпон-Ата шаарындагы борбордук ипподромдо Tourism Fest 2025 башталат. Бул аймактардын, өлкөлөрдүн, бизнестин жана маданияттын өкүлдөрүн бириктире турган жылдын ири туристтик иш-чараларынын бири.

Фестиваль дүйнөнүн бардык өлкөлөрүнөн келген катышуучуларды жана конокторду чогултуп, бай программаны сунуштайт:

• ШКУ марафону “Run the Silk Road” (08:00–14:30) – ондогон өлкөлөрдөн келген катышуучулар менен эл аралык жарыш;
• Туристтик көргөзмө (11:00–18:00) – уникалдуу туристтик маршруттарды, туристтик продуктуларды жана нукура маданияттарды көрсөтүү;
• Эл аралык форум «Туризм 2030: Борбордук Азия бирдиктүү туристтик мейкиндик катары» (12:00–18:00) – визалык демилгелерди, ESG мамилелерин жана инвестициялык мүмкүнчүлүктөрдү талкуулоо;
• Жылмакай жарыш (14:00–19:00) – Министрлер Кабинетинин Төрагасынын Кубогуна таймаш менен ат оюндарынын фестивалы;
• Гала-концерт (18:00–20:00) – музыкалык жана чыгармачыл топтордун оюну.

Бардык иш-чаралар Чолпон-Ата шаарынын борбордук ипподромунун аймагында өтөт. Кирүү бардык коноктор үчүн акысыз.

Уюштуруучулар республиканын тургундарын жана конокторун май майрамдарын жаркын жана пайдалуу өткөрүүгө, Кыргызстандын жана Борбордук Азиянын туристтик потенциалы менен таанышууга чакырат.