АКШнын жаңы шайланган президенти Дональд Трамп келерки жылдын январь айында Ак үйгө кайтып келиши менен күчүнө кире турган биринчи кадрдык чечимин жарыялады. Сюзи Уайлс, анын шайлоо кампаниясынын алдыңкы менеджерлеринин бири, Ак үйдүн аппаратынын башчысы болуп дайындалды, бул кызматта биринчи аял.

Трамп Уайлсты “күчтүү, акылдуу жана жаңычыл” инсан катары мүнөздөп, анын кадыр-баркын баса белгиледи. “Ал биздин өлкө үчүн сыймык болоруна күмөнүм жок”, — деп айтылат Президенттин билдирүүсүндө.

Уайлс Трамп менен 2016 жана 2020-жылдары Флорида штатындагы кампаниясын жетектеп, анын аймактагы ийгиликтеринде негизги ролду ойногон. Трамп анын акыркы эмгегин белгилеп, “ага АКШнын тарыхындагы эң маанилүү саясий жеңиштердин бирине ээ болууга жардам бергенин”айтты.

Бул дайындоо Трамптын 20-январда расмий түрдө иштей турган жаңы администрациясын түзүүдөгү биринчи кадамын белгилейт.

Сүрөт: ачык булактардан