Транспорт жана коммуникациялар министрлиги айдоочуларды унаа дөңгөлөктөрүн кышкыга алмаштырып алууга жана жолдо этият болууга чакырат.

Ведомствонун маалыматына караганда, бүгүн, 18-сентябрда Бишкек-Ош унаа жолундагы Төө-Ашууда ашуусунда кар жаады.

Жолчулар жолду тазалап, инерттик материалдарды себишти. Азыркы учурда каттам үчүн эч кандай кыйынчылыктар жок.

Транспорт жана коммуникациялар министрлиги өлкөдөгү туруксуз аба ырайына жана 2024-2025-жылдын күз-кыш мезгилине карата жүргүзүлүп жаткан даярдык иштерине байланыштуу тоолуу аймактар жана ашуулар аркылуу жол тарта турган айдоочуларды унаа дөңгөлөктөрүн жайкыдан кышкыга алмаштырып алууга чакырат.