Кыргызстан өзүнүн туристтик потенциалын жигердүү жогорулатууда: 2025-жылдын биринчи кварталында эле тармактын экономикага кошкон салымы 10,5 млрд сомду же ИДПнын 3,9%ын түздү. Бул тууралуу КР Туризмди өнүктүрүү фондунан билдиришти.

Фонддун маалыматы боюнча:

• Туризм тармагына тартылган инвестициянын көлөмү 3,2 миллиард сомду түздү.
• Туристтерди ташуудан түшкөн киреше 2,9 миллиард сомго жетти.
• Туризмге байланышкан соода жүгүртүү 6,6 миллиард сомду түздү.
• Коомдук тамактануу тармагынын кирешеси 1,3 миллиард сомго жетти.
• Тиешелүү өндүрүштөн 620 миллион сом киреше алып келди.

Фонд белгилегендей, алгылыктуу динамика туризм, өзгөчө аймактарда экономикалык өсүштүн туруктуу булагына айланып баратканын далилдейт. Мейманкана бизнесинин, транспорттук жана соода инфраструктурасынын өнүгүшү, жумуш орундарынын көбөйүшү жана инвестициялык кызыгуунун жогорулашы – мунун баары мамлекеттин системалуу мамилесинин жана Кыргызстанды туристтик аймак катары активдүү илгерилетүүнүн түздөн-түз натыйжасы.

Фонд туристтик кызмат көрсөтүүлөрдү жакшыртуу, улуттук брендди жайылтуу жана тармакка жаңы инвесторлорду тартуу боюнча программаларды ишке ашырууну улантуу ниетинде.

01.08.2025 16:13:52