Кыргыз Республикасынын Тышкы иштер министрлиги эки өлкөнүн чек ара аймактарында куралдуу окуялар тууралуу маалыматтар көбөйүп жатканын эске алуу менен жарандарга абал толук турукташканга чейин Индия менен Пакистанга баруудан баш тартууну дагы бир жолу сунуштайт.

Аталган мамлекеттердин аймагында жүргөн Кыргыз Республикасынын жарандарына этияттык менен коопсуздук чараларын сактоо сунушталат.

Авиация тармагындагы учурдагы чектөөлөрдөн улам Индиянын же Пакистандын аймагы аркылуу үчүнчү өлкөлөргө транзиттик каттамдар же саякат олуттуу кыйынчылыктар менен коштолуп жаткандыгына дагы көңүлүңүздөрдү бурабыз. Аба каттамдарынын толук кандуу жанданышы кырдаал жөнгө салынгандан кийин күтүлүүдө.

Өзгөчө кырдаалдар учурунда жарандар Кыргыз Республикасынын дипломатиялык өкүлчүлүктөрүнө төмөнкү ишеним телефондору аркылуу кайрыла алышат:
• Кыргыз Республикасынын Индиядагы Элчилиги: +91 95999 21779;
• Кыргыз Республикасынын Пакистандагы Элчилиги: +92 0333 5209903.