Улуу Британия жана Түндүк Ирландиянын Бириккен Королдугуна жумушчу сапарынын алкагында Кыргыз Республикасынын Министрлер Кабинетинин Төрагасынын биринчи орун басары Данияр Амангелдиев Улуу Британиянын экспорттук кредиттик агенттигинин (United Kingdom Export Finance) башкы аткаруучу директору Тим Рид менен жолугушту.

Тараптар Кыргызстан үчүн ачылган жеңилдетилген кредиттик линиянын алкагында айыл чарба тармагында жана энергиянын кайра жаралуучу булактарында биргелешкен долбоорлорду ишке ашыруунун келечегин талкуулашты.

Данияр Амангелдиев Улуу Британия менен экономикалык байланыштарды чыңдоо маанилүү багыт экенин жана биз Улуу Британиянын UKEF (United Kingdom Export Finance) экспорттук кредиттик агенттигинин өлкөнүн туруктуу өнүгүүсүнө салым кошкон долбоорлорду колдоого даярдыгын жогору баалайбыз деп баса белгиледи.

Британ экспорттук агенттигинин (United Kingdom Export Finance) башкы аткаруучу директору өз кезегинде Агенттик аркылуу ар кандай долбоорлорду каржылоо маселеси боюнча Кыргыз Республикасы менен комплекстүү иш алып барууга даяр экендигин билдирди.