“Ас-Сафа” фонду Эне жана баланы коргоо улуттук борборуна үч заманбап Fresenius 4008S Classic гемодиализ аппаратын тапшырды. Бул тууралуу КР Саламаттыкты сактоо министрлигинин басма сөз кызматы билдирди.

Маалым болгондой, өткөрүлүп берилген жабдыктар өнөкөт жана курч бөйрөк жетишсиздигинен жабыркаган балдар дарылануучу гемодиализ бөлүмүнө арналган.

Кошумчалай кетсек, фонд балдарга гемодиализ процедуралары үчүн керектелүүчү материалдардын топтомун камсыздаган. Бул жашоо терапиясынын үзгүлтүксүздүгүн камсыз кылып, бөлүмдөгү дарылоо шарттарын жакшыртат деп айтылат.