Бүгүн Улуттук статистикалык комитетте Улуттук статистикалык комитеттин төрагасы Бактыбек Кудайбергенов менен Дүйнөлүк банктын мамлекеттик сектор боюнча улук адиси, Дүйнөлүк банктын миссиясынын тең жетекчиси Григорий Кисунко жана “Салыктык башкаруу системасын модернизациялоо” долбоорунун жетекчиси Апикоке Котикула баштаган Дүйнөлүк банктын өкүлдөрүнүн жумушчу жолугушуусу болуп өттү.

Жыйындын жүрүшүндө Улуттук статистикалык комитеттин долбоорду ишке ашыруу боюнча жигердүү иши белгиленди, ал 2025-жылдын биринчи жарым жылдыгында статистикалык системаны модернизациялоо багытында оң натыйжаларды көрсөткөн. Маанилүү жетишкендиктердин арасында: бизнес-процесстин жаңы моделин киргизүү, Расмий статистиканын сапатын камсыздоонун Улуттук негизин ишке ашыруу, ошондой эле статистикалык отчеттуулуктун формаларын оптималдаштыруу жана кыскартуу.

Буга катар эле административдик маалымат булактарын пайдалануу механизмдерин жигердүү өнүктүрүү, ошондой эле метамаалыматтарды башкаруу, алдыдагы эл каттоону даярдоо жана өткөрүү, геомаалыматтык маалыматтардын статистикасы жана айлана-чөйрөнүн статистикасы сыяктуу тармактарда институционалдык потенциалды чыңдоо улантылууда.

Дүйнөлүк банктын өкүлдөрү долбоордун ишке ашырылышына Улуттук статистикалык комитет тарабынан оң баа беришти. Долбоор туруктуу прогрессти көрсөтүп жатканы, анын учурдагы абалы жакшы жагына каралып, объективдүү баа берилиши керектиги баса белгиленди.

Жолугушуунун соңунда тараптар долбоордун бардык компоненттерин ишке ашырууда координациялоонун жана ачык-айкындуулуктун маанилүүлүгүн белгилеп, конструктивдүү кызматташууну улантууга өз ара кызыкдар экендиктерин ырасташты. Төрага Бактыбек Кудайбергенов өз кезегинде биргелешкен аракеттер менен 2025-жылга карата пландаштырылган бардык демилгелер ийгиликтүү ишке ашарына ишеним билдирди.

Белгилей кетсек, бул долбоор заманбап, ачык-айкын жана колдонуучуга багытталган статистикалык системаны куруу үчүн негизги мааниге ээ. Ал институттук потенциалды чыңдоого, санариптик трансформацияга жана Кыргыз Республикасынын расмий статистикасын модернизациялоого багытталган.