Москва, 29-июль, 2025-жыл – Караван инфо маалымат агенттиги.28-июль күнү кечинде Орусиянын президенти Владимир Путин Израилдин премьер-министри Биньямин Нетаньяху менен телефон аркылуу сүйлөштү.

Кремлдин басма сөз кызматы билдиргендей, талкууда Жакынкы Чыгыштагы, атап айтканда Сириядагы курч кырдаал жана иран-израилдик тирешүү талкууланды.

Путин Россия Федерациясынын өзгөрүлгүс позициясын дагы бир жолу баса белгиледи: чыр-чатактарды тынчтык, дипломатиялык жол менен чечүү.

Ал Ирандын өзөктүк программасы боюнча сүйлөшүүлөргө көмөктөшүүгө даяр экенин билдирип, аймактагы мындан аркы эскалациянын алдын алууну жактады.

Орус лидери Сирияга өзгөчө көңүл бурган. Ал Москва өлкөнүн эгемендүүлүгүн жана аймактык бүтүндүгүн колдой турганын белгилеп, ички туруктуулукту чыңдоо жана өткөн жаңжалдардын кесепеттерин жоюу үчүн бардык этностук жана диний топтордун укуктарын урматтоого чакырды.

Сүйлөшүүнүн аягында Путин менен Нетаньяху эл аралык жана эки тараптуу күн тартибиндеги актуалдуу маселелер, анын ичинде аймактагы күчтөрдүн тең салмактуулугу жана санкциялардын жана эл аралык демилгелердин мүмкүн болуучу таасири боюнча диалогду улантууну макулдашты.

Эске сала кетсек, өткөн аптада Путин Ирандын президенти Масуд Пезешкянга да телефон чалып, Израилдин Иран аймагына жасаган соккусун БУУнун Уставын бузуу катары айыптап, жаңжалды деэскалациялоого жардам берүүгө даяр экенин билдирген.

Эксперттердин баамында, азыркы кырдаалда Орусия кайра эле Тегеран менен Тель-Авивдин ортосунда ортомчу болууга аракет кылып, эки өлкө менен тең мамилени сактап турат.

Сүрөт: kremlin.ru