МОСКВА, 2-сентябрь, «Караван инфо» агентствосу.3-сентябрда Владивостоктогу Чыгыш экономикалык форумунда Улуу Ата Мекендик согуштун жана Экинчи дүйнөлүк согуштун жыйынтыктарына арналган эл аралык илимий-практикалык конференция өтөт.Бул тууралуу Росконгресс фондунун басма сөз кызматы билдирди.

Быйыл талкуу Улуу Жеңиштин 80 жылдыгына карата уюштурулууда. Орус тарых коомунун төрагасы Сергей Нарышкиндин айтымында, дата символикалык түрдө тандалган: мындан туура 80 жыл мурун, 1945-жылдын 2-сентябрында союздаштар Япониянын багынып беришин кабыл алышкан.

Мунун алдында айыгышкан салгылашуулар болуп етту, анда советтик-монголдук аскерлер миллионго жакын адамдан турган Квантун армиясын талкалоодо жана АКШ акыры денизде артыкчылыкка ээ болду.

Конференцияга орусиялык жана чет элдик эксперттер катышат. Ар турдуу елкелердегу согуштун жыйынтыктарын кайра карап чыгуу, Япониянын Малайяны оккупациялоосу, СССР менен Монголиянын илимий кызматташтыгы, Кытайдын билим беруу программаларында дуйнелук экинчи согуштун тажрыйбасы, Япония менен Монголияда тарыхый эстутумду сактоо талкуулануучу темалар бар.

Ушул эле күнү “Улуу Ата Мекендик жана Экинчи дүйнөлүк согуштардын сабактары: Улуу Жеңиштин 80 жылдыгына” тарыхый-документалдуу көргөзмө ачылат.

МААЛЫМАТ:Чыгыш экономикалык форуму 2015-жылдан бери Владивостокто өтүп, ага дүйнөлүк саясатчылар, бизнесмендер жана эксперттер катышат. Юбилейлик 10-EEF 3-6-сентябрда Ыраакы Чыгыш федералдык университетинин кампусунда өткөрүлөт. Учурдагы форумдун негизги темасы “Ыраакы Чыгыш – тынчтык жана гүлдөп өнүгүү үчүн кызматташтык”.

Сүрөт: РИА Новости