2025-жылдын 19-июлунда Ысык-Көл облусунун Жети-Өгүз районунда тоют жыйноонун заманбап ыкмалары боюнча семинар болуп өттү.

Иш-чара Бириккен Улуттар Уюмунун Азык-түлүк жана айыл чарба уюмунун (ФАО) Кыргыз Республикасындагы Өкүлчүлүгүнүн, консультанттардын, Кыргызстан кооперативдер биримдигинин менеджерлеринин жана Айыл чарбасындагы кооперация, механизация жана инновациялык технологиялар департаментинин адистеринин катышуусунда уюштурулду.

Семинар Тоң жана Жети-Өгүз райондорунда өтүп, ага облустун дыйкандары, айыл чарба кооперативдеринин өкүлдөрү, жергиликтүү өз алдынча башкаруу органдарынын адистери жана башка кызыкдар тараптар катышты.

Катышуучуларга тоют даярдоонун заманбап технологиялары жана тажрыйбалары, ошондой эле айыл чарба секторунун башка маанилүү тармактары – балык чарбасы, мал чарбачылыгы, кайра иштетүүчү кооперативдер жана соода-логистикалык борборлор боюнча маалыматтар берилди.

Бул иш-чара тажрыйба жана билим алмашуу үчүн маанилүү аянтча болуп калды, ошондой эле Кыргызстандын айыл чарба кооперациясын өнүктүрүүдө жана азык-түлүк коопсуздугун камсыз кылууда дагы бир кадам болду.