5-майда Ысык-Көлдө тарыхта биринчи жолу “Ultra Issyk-Kul” (Issyk Kul Six-Day Challenge) ультрамарафону башталат. Ал 6 күнгө созулуп, жалпы узундугу Ысык-Көлдү айланып 460 чакырымды түзөт.

Эмне болот?

Марафондун башталышы Бактуу-Долоноту айылында болот. Алты күн бою АКШ, Улуу Британия, Германия, Швейцария, Россия жана Беларустун спортчулары көлдү айланып, күнүнө 90 чакырымга чейинки аралыкты басып өтүшөт.

Эмнеси таң калыштуу?

Уюштуруучулар белгилегендей, каттам көлдүн айланасында чуркап эле тим болбостон, Сказка каньону менен Жети өгүз аскасынын Марс пейзаждарына суктануу үчүн түзүлгөн.