Пекинде ШКУнун Ишкер кызматташтык кеңеши өттү: негизги демилгелер – логистикадан “акылдуу” чек араларга чейин.

Пекинде өткөн Шанхай Кызматташтык Уюмунун Ишкерлер кеңешинин жыйынында Өзбекстан бир катар келечектүү демилгелерди көтөрдү. Негизги сунуш соода жана логистика үчүн бирдиктүү санарип платформасын түзүү болду —ШКУ TradeNet.

Өзбекстандын Соода-өнөр жай палатасынын маалыматы боюнча, жаңы система катышуучу өлкөлөргө автоматташтырылган режимде маалымат алмашууга, логистикалык жана соода процесстерин тездетүүгө мүмкүндүк берет жана аймактагы жалпы санариптик экосистеманы калыптандырууга негиз болот.

Өзбекстан ошондой эле эл аралык инновациялык кластерлерди түзүү, чакан жана орто бизнес үчүн бизнес-мектептерди ачуу жана “акылдуу” чек ара зоналары концепциясын киргизүү демилгесин көтөрдү.

Өзбекстандын Соода-өнөр жай палатасы бул долбоорлорду ишке ашыруу механизмдерин иштеп чыгуу боюнча иштер жүрүп жатканын ырастады. Өлкө ШКУнун алкагында санариптик трансформациянын кыймылдаткычы жана евразиялык мейкиндиктеги интеграциялык процесстердин активдүү катышуучусу болууга даяр.