Сунуш катышуучу өлкөлөрдүн каржы системаларынын санариптик коркунучтарга туруктуулугун бекемдөөгө жана киберчабуулдарга жооп кайтаруу механизмдерин иштеп чыгууга багытталган. Борбордук банк белгилегендей, кибер инциденттер болгон учурда аракеттерди координациялоо санариптик төлөмдөрдүн өсүшү жана банк секторуна кол салуулардын санынын көбөйүшү шартында өзгөчө мааниге ээ.

Киберкоопсуздук Өзбекстандын Борбордук банкы менен ЕАЭБдин жөнгө салуучу органдарынын ортосундагы өз ара аракеттенүүнүн жаңы чөйрөсүнө айланууда. Тараптар буга чейин валюталык жөнгө салуу жана көзөмөлдөө маселелери боюнча кызматташып келишкен. Байкоочу статусуна карабастан, Ташкент союздук мамлекеттер, анын ичинде Орусия жана Казакстан менен өнөктөштүк мамилелерди активдүү өнүктүрүүдө.