Өзгөчө кырдаалдар министрлигинин Өрткө каршы мамлекеттик кызматынын жетекчилиги Улуу Ата Мекендик согуштагы Жеңиштин 80 жылдыгын утурлай 101 жаштагы согуштун ардагери, Бишкек шаарынын тургуну Василий Пухаревге барып, акчалай белек тапшырды.

Согуш ардагери 1925-жылы туулган, Япония менен болгон согуштун катышуучусу.

Маньчжурия аймагында айдоочу болуп иштеген. Ташуу учурунда жоокер бир нече жолу жапондордон артиллериялык аткылоого кабылган, бирок согушкерлерди өз позицияларына ийгиликтүү жеткирген.

«Улуу Ата Мекендик согуштагы Жеңиш үчүн» медалы жана Жеңиштин юбилейлерине арналган бир катар юбилейлик сыйлыктар менен сыйланган. Пенсияга чыкканга чейин Ленин атындагы заводдо иштеген.

«Өзгөчө кырдаалдар министрлиги салттуу түрдө согуштун ардагерлерине көңүл буруп, аларга сый-урмат катары акчалай жана башка белектерди тапшырат», – деп түшүндүрүштү ведомстводон.