Өзгөчө кырдаалдар министрлиги Ысык-Көлдүн суусун тазалоо иштерин улантууда. 2025-жылдын 15-апрелине карата 3353,42 га жер тазаланып, анын ичинен 2672 кг таштанды чыгарылып, 2700 метр торлор чыгарылды.

Жайкы туристтик сезон башталганга чейин курорттук аймактарда пляждарды тазалоо иштери кызуу жүрүп жатат. Чолпон-Ата шаарындагы көл жээгине өзгөчө көңүл бурулууда. Синтетикалык торлор да алынып жатат. 13-майдан 14-майга караган түнү 12 тор чыгарылды.

Белгилей кетсек, балыктардын урук чачуу мезгилине карабастан браконьерлер өз иштерин улантууда.

Өзгөчө кырдаалдар министрлиги жарандарды браконьерликтен алыс болуп, көлүбүзгө аяр мамиле жасап, тазалыкты сактоого чакырат.