Президент Садыр Жапаров эт, сүт жана башка жаныбарлардан алынган азыктарды сатууда жана ташууда санитардык нормаларды бузгандыгы үчүн, ошондой эле малды кармоо жана союу эрежелерин бузгандыгы үчүн олуттуу жоопкерчиликти караган мыйзамга кол койду.

Эми жеке жактарга 5,6 миң сомдон 20 миң сомго чейин, ишканаларга 65 миң сомго чейин айып пул салынат.

Атап айтканда, мыйзам төмөнкүлөр үчүн жоопкерчиликти карайт:

• малды бул максатка арналбаган жерлерде союу;
• санитардык талаптарды бузуу менен эт сатуу;
• жаныбарлардын өлүктөрүн жана биологиялык калдыктарды туура эмес утилизациялоо;
• малдын коркунучтуу ылаңдарынын очокторун жашыруу;
• жаныбарларды ташуу жана идентификациялоо эрежелерин бузуу;
• ветеринардык препараттарды туура эмес сактоо жана колдонуу.

Токой чарбасы женундегу закондорду бузгандык учун штрафтар да бир кыйла жогорулатылды:

• бак-дарактарды мыйзамсыз кыюу, токойдо уруксатсыз мал жаюу же токойлорго өз алдынча курулуш куруу үчүн – 25 миң сомго чейин;
• кайталап бузуулар үчүн – 65 миң сомго чейин.

Мыйзам суу ресурстарын жана аквакультураны коргоо чараларын камтыйт: балыктардын табигый чөйрөсүнө кийлигишүү, жаңы түрлөрдү илимий негизсиз чыгаруу жана балык чарбаларында санитардык нормаларды бузуу үчүн айып пулдар каралган.

Көпчүлүк жоболор расмий жарыялангандан 10 күндөн кийин, айрымдары бир жылдан кийин күчүнө кирет.